Lesioetan erabiltzen ditugun teknikak

Ekografoa eta lesiorako konponbiderik
egokiena eskaintzeko tresna gehiago dauzkagu.

Fibrolisi diakutaneoa

Fisioterapian erabiltzen den teknika da. Helburua lokomozio-aparatuaren minak murriztea da, sistema muskuloeskeletikoa osatzen duten ehun ezberdinen artean (lotailuak, tendoiak, giharrak…) egon daitezkeen atxikidurak edo fibrosiak suntsitzearen bidez. Teknika burutzeko, kakoen antzeko tresnak erabiltzen dira.

Neuromodulazioa

Neuromodulazioa teknika inbaditzailea da, eta nerbiotik gertu orratza aplikatzean datza, minaren pertzepzioa eta eredu neuromotorrak kanpoko seinale baten bidez aldatuz. Normalean, ekografoa ere erabiltzen dugu laguntza gisa, zehaztasunik handiena izateko.

Indiva activ

Indiba Activ-ekin giza gorputzaren hainbat ehun tratatzen ditugu diatermiaren bidez.

Horretarako, maiztasun handiko korronte elektrikoa aplikatzen dugu tratatutako eremuaren baskularizazioa areagotzeko, metabolismoa hobetzeko eta tenperatura igotzeko, konpontze-prozesua bizkortuz.

Egokia da patologia kronikoekin erabiltzeko (artrosiak, lunbalgiak, tendinopatiak, kapsulitis erretraktilak…), bai eta patologia akutuekin ere (haustura muskularrak, hematomak, bihurdurak, hausturak…).

Ziztada lehor ekogidatua

Ziztada lehorra fisioterapian kako-puntu miofaszialak tratatzeko erabiltzen den teknika da. Kako-puntu miofasziala eskeleto-gihar bateko banda tenkatu batean dagoen puntu mingarria da. Haztapenaren bidez edo uzkurdurarekin mina eraginez aurkitu ohi da. Teknika Orratz bat erabiltzen da kako-puntua aurkitzeko xedearekin, kontraktura erlaxatuz eta mina eta disfuntzio mekanikoa hobetuz. Tratamenduan zehar ekografia erabiltzeari esker, ez dugu beste inolako egiturarik ukituko, segurtasuna eta eraginkortasuna areagotuz.

Ariketa terapeutikoak

Proba funtzionalekin egiten dugu lan tratatu behar dugun ehuna balioztatzeko. Behin balioztapena eginda, pazienteari proposatzen dizkiogu zenbait ariketa karga mailakatuekin, ehuna egingo duen kirolera egokitzeko. Gure ustez, ariketa terapeutikoak ezinbestekoak dira lesioak berregokitzeko.

Osteopatia

Osteopatia eskuzko terapia bat da, non gorputza osotasunaren zati gisa hartzen den. Terapia horri esker, tratamendua ez da soilik sintomatologian ardazten, jatorria ere kontuan hartzen baitu, gorputzari aurrez ebaluazio orokorra eginez.

Eskuzko terapia

Gure ustez, eskuzko terapiaren hainbat teknika erabiltzea fisioterapiaren oinarria da sistema muskuloeskeletikoaren mina eta disfuntzioak tratatzeko. Horrela, ehun ezberdinen baskularizazioa, elastikotasuna eta malgutasuna hobetzen dugu. Erabiltzen ditudan eskuzko terapiaren teknikek honako hauek hartzen dituzte barne:

Eskuzko terapia artikularra:

Abiadura baxuko eta altuko teknikak dira, eta disfuntzioak dituzten artikulazioak mobilizatzea ahalbidetzen dute, mugikortasuna suspertuz.

Neurodinamia-teknikak:

Nerbio-sistema periferikoa mobilizatzeko erabiltzen diren teknikak dira.

Karga tentsileko teknikak: nerbio-sistemaren gorpuzkera muskuloeskeletikoaren luzera mugimendu aktibo edo pasiboen bidez aldatzeko erabiltzen dira.
Mobilizazio-teknikak irristatzearekin: Bi artikulazio edo gehiago nahasten dituzten mugimendu txandakatuak dira. Horien bidez, tentsio neurala gehitu edo murrizten da.

Ohiko masaje-teknikak:

Ohiko masajean igurzketa, oratze, presio eta ehun-banaketaren moduko teknikak erabiltzen ditugu.